Denıs Evseev juptyq synda Shymkenttegi týrnırdiń jartylaı fınalyna shyqty
ASTANA. KAZINFORM – Qazaqstandyq tennısshi Denıs Evseev juptyq synda Shymkent chellendjer týrnıriniń jartylaı fınalyna ótti.
Qazaqstandyq tennısshi moldovalyq Radý Albotpen birge shırek fınalda túrkııalyq Ergı Kırkın – bosnııalyq Andreı Nedıchtiń mysyn basty.
Birinshi set 6:4 esebimen Evseev – Albottyń paıdasyna jazyldy. Ekinshisinde túrkııalyq-bosnııalyq jup qarymta qaıyrdy – 6:2. Degenmen sýper taı-breıkte Radý men Denıstiń baǵy jandy – 10:8.
Bir saǵat 18 mınýtqa sozylǵan básekede Evseev – Albot 4 eıspen birge 3 breık-poınttyń ekeýin qur jibergen joq. Kırkın – Nedıch 2 eıs, 3 breıkpen (6 breık-poınt) kózge tústi.
Denıs Evseev – Radý Albot fınalǵa ótý úshin reseılik Svıatoslav Gýlın – amerıkalyq Dalı Blanshpen sheberlik talastyrady.
D.Evseev jekeleı synda alǵashqy aınalymda dál osy D.Blanshtan jeńilip qalǵan bolatyn. Endi sonyń esesin qaıtaratyndaı múmkindik týdy.
Taǵy bir qazaqstandyq, reıtıngide 82-oryndaǵy Aleksandr Shevchenko Madrıd (Ispanııa) masters týrnıriniń alǵashqy aınalymynda álemniń 38-raketkasy, ıspanııalyq Haýme Mýnıarǵa jol berdi – 4:6, 1:6.
Sol sekildi reıtıngide 282-oryndaǵy Mıhaıl Kýkýshkın Kvandjý (Ońtústik Koreıa) chellendjer dodasynda jarys jolyn aıaqtady. Ol ekinshi aınalymda álemniń 129-raketkasy, shveıtsarııalyq Leandro Rıedıden asa almady – 3:6, 2:6. Sóıtip shırek fınaldan tys qaldy.
Eske sala keteıik, budan buryn Madrıd týrnırinde ıÝlııa Pýtıntsevanyń tartysty básekede 19 jastaǵy tennısshini jeńgenin jazǵan bolatynbyz.
Sondaı-aq Jibek Qulambaeva juptyq synda Qytaıdaǵy týrnırdiń jartylaı fınalyna ótti.
Tımofeı Skatov Shymkent týrnıriniń fınalyna shyǵý úshin talasady.
