Denıs Evseev Úndistandaǵy jarysta negizgi týrnırge joldama aldy

ASTANA. KAZINFORM – Qazaqstandyq tennısshi, álemniń 350-raketkasy Denıs Evseev Nıý-Delı (Úndistan) chellendjer týrnıriniń irikteý saıysyn sátti aıaqtady.

Qazaqstandyq tennısshi aldymen tartysty matchta malaızııalyq Mıtsýkı Veı Kang Leongty tize búktirdi – 6:4, 6:7 (3:7), 6:4.

Denıs Evseev irikteý saıystarynyń fınalynda reıtıngide 682-oryndaǵy bolgarııalyq Aleksandr Donskıdan basym tústi – 4:6, 6:4, 6:1. 

Osylaısha, D.Evseev negizgi dodaǵa joldama aldy. Búgin jańartylǵan reıtıngide ol 362-den 350-orynǵa kóterildi. 

Taǵy bir qazaqstandyq Grıgorıı Lomakın irikteýdiń jartylaı fınalynda reseılik Egor Agafonovtan aılasyn asyrdy – 6:3, 2:6, 7:6 (9:7). Alaıda búgin Polsha ókili Maks Kasınovskıge

1:6, 2:6 esebimen jol berip, negizgi kezeńnen tys qaldy. 

Álemniń 292-raketkasy Beıbit Juqaev birden negizgi týrnırde baq synaıdy. Onyń alǵashqy aınalymdaǵy qarsylasy – jarystyń 1-raketkasy, reıtıngide 134-oryndaǵy aýstralııalyq Deın Sýını. 

Eske sala keteıik, budan buryn Anna Danılınanyń Doha týrnıriniń chempıony atanǵanyn jazǵan edik.

Dýbaı týrnırinde Elena Rybakına ótken jylǵy nátıjesin jaqsarta ala ma, sony da habarladyq.

Anna Danılına álemdik reıtıngide jeke rekordyna qol jetkizdi.