Denıs Evseev Túrkııadaǵy týrnırde jergilikti tennısshini kambekpen utty
ASTANA. KAZINFORM — Qazaqstandyq tennısshi, álemniń 441-raketkasy Denıs Evseev Samsýn (Túrkııa) chellendjer týrnıriniń ekinshi aınalymyna shyqty.
Qazaqstandyq tennısshi alǵashqy aınalymda álemdik reıtıngide 644-oryndaǵy túrkııalyq Týndjaı Dýranǵa qarsy keldi.
Birinshi partııa taı-breıkte jergilikti sportshynyń paıdasyna sheshildi – 7:6 (7:5). Degenmen budan keıin Denıs oıyn tizginin qolyna alyp, kambek jasaı bildi – 6:1, 6:3.
Eki saǵattan astam ýaqytqa sozylǵan tartysty básekede Evseev 2 eıspen birge 12 breık-poınttyń segizin qur jibergen joq. Dýran 3 eıs, 4 breıkpen (5 breık-poınt) erekshelendi.
Denıs Evseev shırek fınalǵa shyǵý úshin álemniń 416-raketkasy, ýkraınalyq Vadım Ýrsýmen sheberlik talastyrady.
Eske sala keteıik, budan buryn Jibek Qulambaevanyń álemdik reıtıngide 115-orynǵa kóterilgenin jazǵan edik. Sondaı-aq Tımofeı Skatov San-Marıno týrnırinde alǵashqy qarsylasyn joldan taıdyrdy.
