Denıs Evseev Túrkııada Ystanbul jarysynyń shırek fınalyna shyqty

ASTANA. QazAqparat – Qazaqstandyq, álemniń 271-raketkasy Denıs Evseev Ystanbul (Túrkııa) chellendjer týrnıriniń shırek fınalyna shyqty, dep habarlaıdy QazAqparat tilshisi.

Qazaqstandyq tennısshi aldymen álemniń 217-inshi, osy jarystyń 8-raketkasy, slovakııalyq Norbert Gomboshty 4:6, 6:1, 6:2 esebimen joldan taıdyrdy.

Búgin D.Evseev ekinshi aınalymda dúnıejúzilik reıtıngte 669-satyda turǵan túrkııalyq Koraı Kırchımen baq synasty.

Denıs 1 saǵat 21 mınýtqa sozylǵan matchta 6:2, 7:6 (7:3) esebimen jeńiske jetti.

Denıs Evseev jartylaı fınalǵa shyǵý úshin álemniń 155-inshi, dodanyń 3-raketkasy, taǵy bir slovakııalyq Lýkash Kleınmen talasady.

Sońǵy kezde tym-táýir óner kórsetip júrgen qazaqstandyq tennısshi ATP Live reıtıngisinde qazirgi tańda 258-orynǵa kóterilip tur.

Eske sala keteıik, budan buryn Ispanııadaǵy týrnırde qazaqstandyq tennısshilerdiń ózara kezdesetinin jazǵan bolatynbyz.

Sondaı-aq Novak Djokovıch tennısten álem rekordyn ornatty.