Denıs Evseev Prezıdent kýbogynyń fınalısi atandy
NUR-SULTAN. QazAqparat - Ulttyq tennıs ortalyǵynda dástúrli Prezıdent kýbogy máresine jetti, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, erler arasynda chellendjer týrnıriniń fınalynda almatylyq Denıs Evseev álemniń 151-inshi, jarystyń 1-raketkasy, reseılik Roman Safıýllınmen bas júldeni sarapqa saldy.
Birinshi partııada qazaqstandyq tennısshi aıqyn basymdylyq kórsetti - 6:2.
Ekinshi sette R.Safıýllın ese qaıyrdy - 6:4.
Úshinshi, sheshýshi partııada reseılik sportshy taı-breıkte jeńisti julyp aldy - 7:6 (7:2).
Osylaısha, Roman óz sporttyq jolynda ekinshi ret chellendjer týrnırinde tıtýlǵa qol jetkizip, 80 reıtıngilik upaı men 7200 AQSh dollary kóleminde syıaqyǵa ıe boldy.
Fınalda jeńilip qalǵanyna qaramastan, D.Evseev dúısenbide jańartylatyn álemdik reıtıngide 341-den 269-orynǵa kóteriledi.
Áıelder arasynda Prezıdent kýbogy aıasynda ITF World Tennis Tour W60 dodasynda japonııalyq Moıýka Ýchıdjıma úzdik shyqty. Ol fınalda serbııalyq Natalıa Stefanovıchti utty - 6:3, 7:6 (7:2).
Eske sala keteıik, budan buryn tennısshi Denıs Evseevtiń Prezıdent kýbogynyń fınalyna shyqqanyn jazǵan bolatynbyz.
