Denıs Evseev Portýgalııadaǵy jarysta qarsylasyn aıqyn basymdylyqpen utty

ASTANA. KAZINFORM — Qazaqstandyq tennısshi, álemniń 253-raketkasy Denıs Evseev Oeırash (Portýgalııa) chellendjer týrnırinde irikteý saıystarynyń fınalyna ótti.

Qazaqstandyq sportshy irikteýdiń jartylaı fınalynda dúnıejúzilik reıtıngide 728-orynda turǵan portýgalııalyq Fransıshký Roshany aıqyn basymdylyqpen jeńdi – 6:2, 6:3.

Bir saǵat 13 mınýtqa sozylǵan básekede Evseev 1 eıspen birge 10 breık-poınttyń tórteýin paıdalandy. Rosha 3 eıs jasaǵanymen, 4 breık-poınttan eshteńe shyǵara almady.

Denıs Evseev irikteý saıystarynyń fınalynda álemniń 250-raketkasy, majarstandyq Jombor Pıroshpen kezdesedi. Ony joldan taıdyrsa, negizgi dodaǵa ótedi.

Atalmysh týrnırde taǵy bir qazaqstandyq, álemniń 162-raketkasy Mıhaıl Kýkýshkın baq synaıdy. Ol alǵashqy aınalymda reıtıngide 206-satydaǵy ıtalııalyq Matteo Gıganteden ótýge tyrysyp kóredi. 

Oeırashtaǵy júlde qory 181 250 eýroǵa baǵalanǵan. Jarys jeńimpazy 9 010 eýroǵa qosa 125 reıtıngilik upaıǵa ıe bolady. 

Munda reıtıngide 61-oryndaǵy argentınalyq Fransısko Komesanıa birinshi raketka bolyp tirkelgen.

Eske sala keteıik, budan buryn tennısten álem chempıonatynda Qazaqstan jasóspirimder quramasynyń irikteý týrnıriniń fınalyna shyqqanyn jazǵan bolatynbyz.

Sondaı-aq Aleksandr Býblık Mıýnhen týrnırine joldama aldy.