Denıs Evseev Qytaıdaǵy týrnırdiń shırek fınalyna ótti
ASTANA. KAZINFORM — Qazaqstandyq, álemniń 364-raketkasy Denıs Evseev Tszınshan (Qytaı) chellendjer týrnıriniń shırek fınalyna shyqty.
Qazaqstandyq tennısshi aldymen álemniń 215-raketkasy, horvatııalyq Borna Goıony joldan taıdyrdy — 6:4, 7:5.
Denıs Evseev ekinshi aınalymda álemniń 135-raketkasy, amerıkalyq Kolton Smıtke qarsy keldi.
Birinshi partııada amerıkalyq tennısshi 6:3 esebimen basymdyq tanytty. Sodan keıin Denıs oıyn tizginin qolyna alyp, kambek jasaı bildi — 6:3, 6:3.
Eki saǵattan astam ýaqytqa sozylǵan básekede Evseev 7 breık-poınttyń beseýin qur jibergen joq.
Denıs Evseev jartylaı fınalǵa shyǵý úshin álemniń 159-raketkasy, germanııalyq ıAnnık Hanfmanmen talasady.
Qazaqstandyq tennısshi irikteý saıystarynyń fınalynda jeńilip qalǵanymen, týrnırge qaıta shaqyrtylǵan bolatyn.
Eske sala keteıik, budan buryn Rybakınanyń Beıjińdegi týrnırdiń ekinshi aınalymynda kimmen kezdesetinin jazǵan edik.
