Denıs Evseev Qytaıdaǵy týrnırde álemniń burynǵy 9-raketkasyn utty

Qazaqstandyqtar Denıs Evseev pen Beıbit Juqaev Qytaıdaǵy Shenchjen chellendjer týrnırin sátti bastady, dep habarlaıdy Kazinform.

Dúnıejúzilik reıtıngte 260-orynda turǵan D.Evseev alǵashqy aınalymda juptyq synda 2015 jylǵy Aýstralııa ashyq chempıonatynyń jáne 17 ATP jarysynyń (sonyń 9-y jekeleı synda) jeńimpazy, álemniń burynǵy 9-ynshy, qazirgi 128-raketkasy Fabıo Fonınımen kezdesti.

Ataqty qarsylasyn 6:4, 7:6 (8:6) esebimen súrindirgen qazaqstandyq tennısshi ekinshi aınalymda qytaılyq, reıtıngte 585-oryndaǵy Tsýı Tszemen synǵa túsedi.

Sondaı-aq álemniń 302-raketkasy B.Juqaev bastapqy kezdesýinde reıtıngte 610-satydaǵy kort ıesi Lı Chjeni joldan taıdyrdy – 6:4, 6:4.

Beıbit shırek fınalǵa shyǵý úshin álemniń 69-ynshy, dodanyń 1-raketkasy, aýstralııalyq Tanası Kokkınakıspen talasady.

Eske sala keteıik, budan buryn Elena Rybakına bastaǵan tennısshilerdiń álem chempıonatynda Qazaqstan namysyn qorǵaıtynyn jazǵan edik.