Denıs Evseev Ispanııadaǵy týrnırdiń irikteý saıysyn sátti bastady

ASTANA. KAZINFORM – Qazaqstandyq tennısshi, álemniń 366-raketkasy Denıs Evseev Mýrsııa (Ispanııa) chellendjer týrnıri irikteý saıysynyń fınalyna shyqty.

Іrikteýdiń 4-raketkasy bolyp tirkelgen D.Evseev bastapqy kezdesýin ıspanııalyq Davıd Vega-Ernandespen ótkizdi. Qazaqstandyq sportshy qarsylasyn 6:4, 6:3 esebimen tize búktirdi.

Bir saǵat 15 mınýtqa sozylǵan básekede Evseev 1 eıspen birge 10 breık-poınttyń teń jartysyn múlt jibergen joq. Vega-Ernandes 3 breıkpen kózge tústi.

Denıs Evseev irikteý saıysynyń fınalynda reıtıngide 1 031-oryndaǵy Polsha ókili Flıp Pechonkamen oınaıdy. Ony jeńse, negizgi jarysqa joldama alady. 

Taǵy bir qazaqstandyq, álemniń 259-raketkasy Mıhaıl Kýkýshkın birden negizgi týrnırde baq synaıdy. Onyń qarsylasy – reıtıngide ózinen 20 saty joǵary turǵan lıtvalyq Edas Býtvılas. 

Eske sala keteıik, budan buryn Ámir Omarhanovtyń Týnıstegi týrnırde chempıondyq ataq úshin talasatynyn jazǵan bolatynbyz.

Anna Danılına Indıan-Ýells týrnıriniń fınalynda ese jiberdi.