Denıs Evseev Ispanııada Valensııanyń negizgi týrnırine ótti

Qazaqstandyq, álemniń 226-raketkasy Denıs Evseev Valensııa (Ispanııa) chellendjer týrnıriniń irikteý saıystaryn sátti ótkizdi, dep habarlaıdy Kazinform.

Іrikteý saıystarynyń 1-raketkasy bolyp tirkelgen D.Evseev aldymen ıspanııalyq Haver Barrankony 6:3, 7:6 (7:5) esebimen utty.

Qazaqstandyq tennısshi irikteý saıystarynyń fınalynda álemniń 287-raketkasy, ıtalııalyq Salvatore Karýzony 6:2, 6:4 esebimen joldan taıdyrdy. Saǵat jarymnan artyq ýaqytqa sozylǵan báseke barysynda D.Evseev 2 eıspen birge 15 breık-poınttyń tórteýin paıdalandy.

Osylaısha, negizgi týrnırge joldama alǵan Denıs Evseevtiń kelesi qarsylasy keıin anyqtalady.

Júlde qory 118 myń eýroǵa baǵalanǵan Valensııa dodasy 26 qarashada máresine jetedi. Týrnır jeńimpazy 16 020 eýro tabys taýyp, 100 reıtıngilik upaıǵa ıe bolady.

Eske sala keteıik, budan buryn Beıbit Juqaevtyń álemdik reıtıngte jeke rekordyn jańartqanyn jazǵan bolatynbyz.