Denıs Evseev Aýstralııada negizgi týrnırge joldama aldy

Qazaqstandyq, álemniń 190-raketkasy Denıs Evseev Kanberra (Aýstralııa) chellendjer týrnırine joldama aldy, dep habarlaıdy Kazinform.

Qazaqstandyq tennısshi irikteý saıystarynyń fınalynda dúnıejúzilik reıtıngte 217-orynda turǵan bosnııalyq Nerman Fatıchpen sheberlik baıqasty.

D.Evseev 6:2, 6:2 esebimen senimdi túrde jeńiske jetti.

Ol bir saǵattan astam ýaqytqa sozylǵan matchta eıs jasamaǵanymen, 9 breık-poınttyń tórteýin múlt jibergen joq.

N.Fatıch 4 eıspen ǵana shekteldi.

Osylaısha Denıs Evseev negizgi týrnırge joldama aldy. Denıs alǵashqy aınalymda álemniń 119-raketkasy, slovakııalyq Aleks Molchanmen synǵa túsedi.

Al taǵy bir qazaqstandyq, álemniń 222-raketkasy Tımofeı Skatov kútpegen jerden reıtıngte 1388-satyda turǵan aýstralııalyq Keısı Hýlden jeńilip qaldy — 2:6, 5:7.

Eske sala keteıik, budan buryn qazaqstandyq tennısshilerdiń Aýstralııadaǵy týrnırdi sátti bastaǵanyn jazǵan bolatynbyz.