Denıs Evseev álemdik reıtıngte 31 saty joǵary kóterildi

ASTANA. QazAqparat – Kásibı tennısshiler qaýymdastyǵy (ATP) jańartylǵan reıtıngti jarııa etti, dep habarlaıdy QazAqparat tilshisi.

Qazaqstannyń kóshbasshy tennısshisi Aleksandr Býblık 25-ten 28-orynǵa túsip ketti.

Sondaı-aq Tımofeı Skatov 131-den 132-ge, Mıhaıl Kýkýshkın 227-den 235-ke, Beıbit Juqaev 258-den 260-qa syrǵydy.

Esesine ótken eki aptada sátti óner kórsetken Denıs Evseev 340-tan birden 309-orynǵa kóterildi.

Reıtıngtegi úzdik úshtikte eshqandaı ózgeris joq: ıspanııalyq Karlos Alkaras birinshi, serbııalyq Novak Djokovıch ekinshi, reseılik Danııl Medvedev úshinshi satyda.

Juptyq synda da nıderlandylyq Ýeslı Kolhof, brıtanııalyq Nıl Skýpskı jáne amerıkalyq Ostın Kraıchek kóshtiń aldyn berer emes.

Ótken aptada Aýstrııadaǵy jarystyń fınalyna deıin jetken qazaqstandyq Aleksandr Nedovesov 45-ten 44-ke joǵarylady. Bul – onyń sporttyq jolyndaǵy eń úzdik kórsetkishi. Andreı Golýbev 83-ten 81-ge aýysty.

Eske sala keteıik, budan buryn Aleksandr Nedovesovtiń Aýstrııadaǵy jarystyń fınalynda jeńilis tapqanyn jazǵan bolatynbyz.

Sondaı-aq ıÝlııa Pýtıntseva Monreal masters jarysynyń irikteý saıysyn sátti bastady.

Ókinishke qaraı, ıÝ.Pýtıntseva irikteý saıystarynyń fınalynda aýstrııalyq Kımberlı Bırrelge esh qaırat kórsete almaı, Monrealdaǵy negizgi týrnırden tys qaldy.