Denıel Gıl WBA jáne IBO chempıony Gennadıı Golovkınmen judyryqtasýdan bas tartty
ASTANA. QazAqparat - Avstralııalyq boksshy Denıel Gıl orta salmaqtaǵy WBA jáne IBO chempıony Gennadıı Golovkınmen judyryqtasýdan bas tartty, dep habarlaıdy vesti.kz saıty.
WBA jáne IBF nusqasynyń burynǵy chempıony Gıl 19 aqpan kúni otandasy Gart Výdpen kezdesý ótkizedi. Bul onyń Darren Barkerden utylǵannan bergi alǵashqy sharshy alańǵa shyǵýy bolyp tabylady. Byltyr kúzde bolǵan matchta ol IBF-tiń chempıondyq beldigin Barkerge jeńilip qalǵanyn aıta ketken jón.
Óz kezeginde Felıks Shtýrm bul beldikti Barkerden tartyp aldy.
Fox Sports habarlaǵanyndaı, HBO telearnasy Gılge 26 sáýirde Golovkınmen kezdesý ótkizý jóninde usynys tastaǵan. Alaıda Gıl bul jekpe-jek Avstralııada kórsetilmeıtin bolǵandyqtan, bul usynystan bas tartty.
Bunyń aldynda Gıl men Golovkın áýesqoı boksta kezdesken, ol kezde jekpe-jek qazaqstandyqtyń paıdasyna sheshilgen bolatyn.
