Denıel Djeıkobs: Golovkınnen ólerdeı qorqamyn
ASTANA. QazAqparat - Amerıkalyq Denıel Djeıkobs (32-1, 29 KO) 18 naýryz kúni Nıý-Iorkte ótetin qazaqstandyq Gennadıı Golovkınge (36-0, 33 KO) qarsy aıqastan jaı ǵana qaýiptenbeı, shyn máninde qorqatynyn moıyndady.
Alaıda, Dennı bul qorqynyshyn óziniń basty qarýyna aınaldyratynyn aıtyp, Gennadııdiń jankúıerlerine erte qýanbaýǵa keńes berdi.
«Árıne, bul naǵyz shyń, meniń mansabymdaǵy eń qaýipti aıqas. Men odan ólerdeı qorqamyn. Kim qoryqpas edi? Alaıda, adam jáne sportshy retinde bul qorqynyshty basty qarýyma aınaldyramyn. Bul meni tabandy túrde jattyǵýyma jáne ózimdi jeńýime, adam aıtqysyz jetistikterge jetýime ıtermeleıdi», - dedi Dennı.
«Men adam nemese jaýynger retindegi Golovkınnen emes, osy kúnge deıin aınalǵan adamnan qorqamyn», - deıdi ol.
