Deni saýdyń - jany saý, ómiri de tabysty
ASTANA. 18 sáýir. QazAqparat - Dınamo» dene shynyqtyrý-sport qoǵamynyń basty baǵyty - ishki ister, quqyq qorǵaý organdary,
keden jáne ishki áskerler qyzmetteri qyzmetkerleriniń dene shynyqtyrý jáne arnaıy daıyndyqtaryn damytý jáne jetildirýge járdemdesý, dep habarlady Astana qalalyq ІІD baspasóz qyzmetkeri Áıgerim Muhanova.
«Dınamo» sport kesheninde polıtsııa qyzmetkerlerimen qatar olardyń otbasy músheleri de sportpen shuǵyldana alady. Astana qalalyq ІІD Jedel basqarý ortalyǵynyń «102» operatory polıtsııa starshınasy Múgilsim Asanovanyń 8 jasar qyzy Arýjan osy «Dınamo» sport kesheniniń bedeldi múshesi.
Jýyrda Almaty qalasynda sporttyń mánerlep syrǵanaý túrinen ótken jarysta Arýjan Ahanova birinshi oryndy jeńip aldy. Arýjan mánerlep syrǵanaý ónerine 4 jastan bastap qatysyp keledi. Ol Almaty, Qaraǵandy, Oral jáne Novosibir qalalarynda ótken kóptegen respýblıkalyq jáne halyqaralyq jarystarǵa qatysty. Astana qalasynyń birneshe dúrkin chempıony, 2009 jylǵy «Kúzgi jarys» Halyqaralyq jarysynyń kúmis júldegeri. 2010 jyly Oral qalasynda ótken jarysta 2 oryndy ıelenip keldi.
Arýjan óziniń jattyqtyrýshysy Aleksandra Beloýsovany ómirlik ustazdary retinde sanaıdy.
Deni saýdyń - jany saý» deıdi dana halqymyz. Eger adam ár ýaqytta dene shynyqtyrýmen aınalysyp, ár ýaqytta óziniń densaýlyǵyn túzetý úshin túrli sport jattyǵýlaryn oryndap otyrsa, ol tek deni saý bolyp qana qoımaı, ómirdiń barlyq salasynda tabysty bolýyna múmkindik jasaıdy.
