«Deni saý ult» kýbogi» ІІ respýblıkalyq debattyq týrnıri ashyldy
ASTANA. 11 jeltoqsan. QazAqparat - Keshe, 10 jeltoqsanda Qazaqstan-Reseı ýnıversıtetiniń konferents-zalynda «INFO-HEALTH-ben birge jeńý!» ınteraktıvti konkýrstarynyń jeńimpazdaryn marapattaý rásimi ótti. Osynyń izinshe «Deni saý ult» kýbogi» ІІ respýblıkalyq debattyq týrnıri bastaldy.
Belgilengen joǵarydaǵy is-sharalardy Qazaqstan Respýblıkasy Densaýlyq saqtaý mınıstrligi men Densaýlyq saqtaý salasynyń ınvestıtsııalyq jobalaryn basqarý ortalyǵy ótkizdi, dep habarlaıdy «DSIJBO» JShS baspasóz qyzmeti.
Qyrkúıekten qarashaǵa deıin úsh aı ishinde www.info-health.kz densaýlyq saqtaý salasynyń aqparattyq-tanymdyq veb-portalynda «Meniń súıikti dárigerim», «Densaýlyq olımpıadasy» jáne «Densaýlyq týraly barlyq aqıqat» úsh ınteraktıvtik konkýrsy ótti.
«Meniń súıikti dárigerim» konkýrsy, patsıentterdiń óz pikiri boıynsha astananyń eń jaqsy dárigerin tabý maqsatynda ótkizildi. Árkimge óziniń súıikti dárigeri týraly aıtýǵa múmkindik berildi. Ol úshin konkýrs ótkizilgen kezde Astana qalasynyń medıtsınalyq mekemelerine daýys berýge arnalǵan arnaıy bokstar ornatyldy. Konkýrsta barlyǵy 37 úmitker málimdeldi. Osy konkýrstyń jeńimpazdary: Erlan Mýsenov (№6 qalalyq emhananyń akýsher-gınekology), Larısa Pavlovets (№1 qalalyq balalar aýrýhanasynyń neonatology), Maral Rahymǵalıeva (№5 qalalyq emhananyń otorınolarıngology).
«Densaýlyq olımpıadasy» konkýrsy - suraq-jaýap saıysy, qatysýshylarǵa densaýlyq saqtaý,medıtsına jáne salaýatty ómir salty taqyryptaryn kóteretin suraqtarǵa jaýap berý usynyldy. Osy konkýrs jeńimpazdary: ıÝlııa Inozemtseva (1-oryn), Іlııas Esbolatov (2-oryn), Qanat Esbolatov (3-oryn).
«Densaýlyq týraly barlyq aqıqat» ýájdeýshiler konkýrsy. Ýájdeýshiler - ınternettiń arqasynda úlken tanymal alǵan jastar arasyndaǵy jańa aǵym. Jańa format, konkýrs uıymdastyrýshylaryna qazirgi zamanǵy medıtsınaǵa jastardyń kóptegen qyzyqty ıdeıalary men kreatıvti kózqarasyn baǵalaýǵa múmkindik berdi. Osy konkýrsqa barlyǵy 69 jumys usynyldy. Osy konkýrstyń jeńimpazdary: Anar Rahymova (1-oryn), Álııa Talıpova (2-oryn), Sáýle Işanova (3-oryn).
«Densaýlyq týraly barlyq aqıqat» jáne «Meniń súıikti dárigerim» konkýrsynyń jeńimpazdary Aqparattyq-tanymdyq veb-portal forýmynda ashyq daýys berý arqyly aıqyndalǵan bolatyn. Jeńimpazdardy tańdaý kezinde usynymdyq sıpattamasy saraptamalyq komıssııa baǵalaýyn aldy. Uıymdastyrýshylar konkýrstardy ótkizý bastamasyn qoldanaǵany úshin jáne eńbekti kóp qajet etetin jumysy úshin sarapshylarǵa alǵysyn bildiredi. Onyń quramy Qazaqstan Respýblıkasy Densaýlyq saqtaý mınıstrligi, Densaýlyq saqtaý salasynyń ınvestıtsııalyq jobalaryn basqarý ortalyǵy, Astana qalasynyń Densaýlyq saqtaý basqarmasy, Astana qalasynyń Salaýatty ómir saltyn qalyptastyrý ortalyǵy, Astana q. Medıtsına ýnıversıteti, «Astananyń KEU forýmy» ZTB qyzmetkerleri arasynynan quralǵan.
Osy kúnniń ekinshi mańyzdy oqıǵasy - bul «Deni saý ult» kýbogi» ІІ respýblıkalyq debattyq týrnıriashylýy. Debattyq týrnır - azamattar densaýlyǵyn qorǵaý salasy men densaýlyq saqtaý júıesi, praktıkalyq medıtsına men salaýatty ómir saltyn nasıhattaý, densaýlyq saqtaý salasynyń ınvestıtsııalyq jobalary jáne kóptegen basqa da ózekti máselelerdi talqylaýǵa arnalǵan biregeı alań. Týrnır, bir ýaqytta qazaq jáne orys lıgalarynda amerıkalyq parlamenttik format pen prezıdenttik debattyq formaty boıynsha júrgiziledi.
Osy joba ótken jyly «Eń jaqsy týrnır» nomınatsııasynda «Debattar táji - 2009» debattar birlestiginiń halyqaralyq syılyǵyna laıyq bolǵan. Bıylǵy jyly uıymdastyrýshylar is-sharany osynsha bıik deńgeıde de ótkizýge tyrysady. Týrnırge Qazaqstannyń Aqtóbe, Almaty, Astana, Jezqazǵan, Qaraǵandy, Kókshetaý, Qostanaı, Pavlodar, Petropavlovsk, Rýdnyı, Semeı, Óskemen, Oral, Shymkent, Ekibastuz sııaqty 17 qalalarynan eń tańdaýly dilmarlar shaqyrylǵan.
