Deni saý adamdarǵa medıtsınalyq maska kııýdiń qajeti joq– maman
«Ókinishke qaraı, medıtsınalyq maskany barlyq adam jappaı satyp alýǵa tyrysýda. Al álem mamandary, AQSh-tyń basty epıdemıology maskany tek jiti respıratorlyq vırýs aýrýyn juqtyrǵandar ǵana kııýi kerektigin aıtyp júr. ıAǵnı, tumaý sekildi aýa-tamshy jolymen juǵatyn aýrý belgileri baıqalǵan adam vırýsty taratpaý úshin maska kııýi qajet. Saý adamdardyń maska kııýi mindetti emes», - dedi A. Nurtaev Ortalyq kommýnıkatsııalar qyzmetinde ótken baspasóz qyzmetinde.
Onyń aıtýynsha, medıtsınalyq maskanyń ornyna gıgıena talaptaryn saqtaýdyń ózi jetkilikti.
«Adamdar ortaq zattardy qoldanyp, ózgelermen amandasady da, sol qolmen maskasyn ustaıdy. Bul vırýs juqtyrý qaýpin kóbeıte túsedi. Maska kııýdiń ornyna qoldy jıi jýyp, gıgıena talaptaryn saqtaýdyń ózi jetkilikti», - dedi A. Nurtaev.
Aqpan aıynyń basynda dárihanalar jelisinde 9 mln dana maska bolǵan jáne bul kórsetkish aı saıynǵy azamattardy respıratorlyq aýrýlardan qorǵaýǵa jetetin.
«Alaıda, koronavırýstyq ınfektsııa boıynsha dúrligý saldarynan halyq medıtsınalyq maskalardy kóptep satyp ala bastady. Qazirgi ýaqytta dárihanalarda 1 mln dana betperde qaldy jáne suranys 30 mln danaǵa deıin ósti», - dedi spıker.
Onyń aıtýynsha, otandyq medıtsınalyq betperde óndirýshiler bir aıda 6 mln-nan astam nemese kúnine 180-200 myńǵa jýyq maska shyǵarady. Bul buıymdar eń aldymen memlekettik medıtsınalyq mekemelerge jiberiledi.
«Memlekettik medıtsınalyq mekemelerdi qamtamasyz etý úshin 7,5 mln astam maska satyp aldyndy. Qazirgi ýaqytta barlyq medıtsınalyq uıymdarda, ásirese tumaý syndy ınfektsııa juqtyrǵan naýqastarmen jumys isteıtin mamandar medıtsınalyq maskamen tolyq qamtylǵan», - dedi A. Nurtaev.
Sonymen birge, vedomtsvoaralyq komıssııa otandyq kásiporyndar óndirgen maskalardy el aýmaǵynan shyǵarýǵa tyıym salǵan. Bul tyıym áli de óz kúshinde.