Denesiniń 80 paıyzyn kúıik shaldy: Shymkentte jarylys boldy

ShYMKENT. QazAqparat – Shymkentte gaz-aýa qospasynyń jarylysy saldarynan jergilikti turǵyn kúıip qaldy, dep habarlaıdy QazAqparat tilshisi.

Qalalyq Tótenshe jaǵdaılar departamenti baspasóz qyzmetiniń málimetinshe, oqıǵa Abaı aýdanyna qarasty Yntymaq-2 shaǵynaýdanynda bolǵan.

«4 maýsym kúni keshki saǵat 18:10-da Jańaqurylys kóshesindegi jeke turǵyn úıdiń aýlasynda gaz-aýa qospasy jaryldy. Bul, sharqaıraqpen bóshkeni kesý kezinde oryn alǵan. Órt bolǵan joq. Oqıǵa saldarynan denesiniń 80 paıyzyn kúıik shalǵan 50 jastaǵy er adam aýrýhanaǵa jetkizildi. Jaǵdaıy ortasha dárejede. Jarylys bolǵan jerge órt sóndirý qyzmeti shaqyrylmaǵan», - delingen habarlamada.