Denesinen 10 keli isikti aldyrtqan Aqmola turǵyny saýyǵyp keledi
KÓKShETAÝ. QazAqparat - Kókshetaý dárigerleri naýqas áıeldiń aıaǵyndaǵy 10 keli isikti alyp tastady, dep habarlaıdy «QazAqparat» HAA tilshisi Óńirlik kommýnıkatsııalar qyzmetine silteme jasap.
Aqmola oblystyq aýrýhanasynyń naýqasy Lıýbov Bodrıkovaǵa kúrdeli ota jasalǵanyna jarty jyl ótti. Qazirgi kezde, ol beıimdelý kýrsynan ótýde. Dárigerler naýqastyń asqynǵan granýlematoz aýrynan saýyǵyp kele jatqanyn aıtýda.
Eske sala keteıik, Lıýbov Vasılevna Bodrıkova syrqatymen 5 jyl kúresip, nátıje shyqpaǵannan soń onkolog dárigerlerdiń kómegine júgingen. Dárigerler birden on aıaǵynda paıda bolǵan salmaǵy 10 keli isikti kesip alyp tastaý úshin ota jasaýdy sheshedi. 2016 jyldyń 27 maýsymynda Zerendi aýdanynyń turǵynyna Aqmola oblystyq aýrýhanasynda ota jasalady. Ota 4 saǵatqa sozyldy.
Qazirgi kezde Lıýbov Vasılevna ózin jaqsy sezinedi. Ómirine ara túsken dárigerlerge sheksiz alǵysyn bildirýde.
«Meniń qýanyshymdy sózben aıtyp jetkizý múmkin emes. Maǵan qol ushyn sozǵan oblystyq onkologııa dıspanseriniń dárigerlerine shynaıy alǵysymdy bildiremin. Sizder maǵan saý ómir syıladyńyzdar. Qazir ózimdi baqytty sezinemin. Erkin júrip úı sharýasymen aınalysyp, balalarym men nemerelerime kómektesýdemin», - deıdi Lıýbov Bodrıkova.
