Denesi aryqtan tabylǵan oqýshy týraly jańa derekter shyqty
TALDYQORǴAN. QazAqparat - Almaty oblysyndaǵy Eskeldi aýdanyna qarasty Syrymbet aýylynda oqýshy mekteptiń aryǵyna túsip qaıtys bolǵan. Balanyń múrdesin mektep basshysy taýyp alǵan, dep habarlaıdy QazAqparat tilshisi.
Syrymbet aýylyndaǵy J. Jaqypbaev atyndaǵy orta mekteptiń dırektory Qýat Esdáýletovtyń aıtýynsha, ol múrdesi aryqtan tabylǵan oqýshyǵa jaqyn týysy bolyp keledi eken.
«28.02.2018 jyly saǵat 17:15 mın ketkende eki synypta oqıtyn Sanjar Esdáýletov sabaqtan shyǵyp, úıine qaıtqan. Biraq sálden soń anasy balasynyń úıge kelmegenin aıtyp, men jáne taǵy birneshe adam qosylyp balany izdeýge kiristik. Saǵat jetiler shamasynda balanyń denesin jardan taýyp aldyq», dedi mektep dırektory Q.Esdáýletov.
Onyń sózinshe, balany aryqtyń sýy 100 metrdeı jerge aǵyzyp jibergen. Qaıǵyly oqıǵa bolǵan kúni mekteptiń aýlasyndaǵy kishkentaı aryqtyń aǵysy qatty bolypty. Bala mekteptiń syrtymen emes, qorshaýdyń ishimen júrip, úıine tóte jolmen jetpek bolǵan kórinedi. Sol sátte aryqtan sekirip ótpek bolǵanda aıaǵy taıyp ketkenge uqsaıdy. Al balanyń úıi týra mekteptiń janynda ornalasqan eken. Qaıtys bolǵan oqýshynyń ájesi sol kúni nemeresiniń sómkesi aýyr jáne aıaǵynda rezeńke etik bolǵanyn aıtady. Bir ókinishtisi mektep aýlasyndaǵy aryqta eshqandaı ótkel, kishkentaı kópir sııaqty dúnıe qarastyrylmaǵan.
Eske sala keteıik, Almaty oblysyna qarasty Syrymbet aýylynda 7 jastaǵy oqýshynyń óli denesi aryqtan tabylǵan bolatyn.
