Dene shynyqtyrý úıden, aýladan bastalýy kerek - O. Óksikbaev
ASTANA. QazAqparat - Dene shynyqtyrý úıden, aýladan bastalýy kerek. Búgin Májiliste ótip jatqan buqaralyq sportty jáne dene shynyqtyrýdy damytý taqyrybyndaǵy Úkimet saǵatynda depýtat Omarhan Óksikbaev osylaı málim etti.
«Alysqa barmaıyq, Astananyń ózin alsaq, aýlalarda aıaq alyp júretin jer joq. Sporttyq jabdyqtar turmaq, kólikke oryn joq. Muny qurylysshy kompanııalarǵa júkteý kerek edi, qalalyq ákimdikter sport aýlalaryna jer qaldyrý týraly normatıvter qabyldaýy kerek. Buny Úkimettik deńgeıde kóterý kerek», - dedi O. Óksikbaev.
Óz kezeginde Mádenıet jáne aqparat mınıstri Arystanbek Muhamedıuly Úkimet tarapynan arnaıy zań jobasy ázirlenip, ol jaqyn aralyqta Májiliske usynylatynyn atap ótti. «Onda ortalyq jáne jergilikti atqarýshy organdardyń mindeti naqty jazylady. Sondyqtan da, biz barlyq turǵyn úı aýlalarynda sporttyq alańdar boldyratyndaı norma kózdesek degenbiz», dedi mınıstr.
