Dene shynyqtyrý-saýyqtyrý nysandary el halqynyń qajettiliginiń tek 30 paıyzyn ǵana qanaǵattandyrady

Bul týraly búgin Astanada buqaralyq dene shynyqtyrý men sport máselelerine arnalǵan halyqaralyq ǵylymı-tájirıbelik konferentsııa barysynda QR Týrızm jáne sport mınıstrligi Sport komıtetiniń tóraǵasy Elsııar Qanaǵatov málim etti, dep habarlaıdy QazAqparat.

«Buqaralyq sportty damytý boıynsha maqsatty sheshý úshin ár aýyldyq jerlerdi jáne qalany jasandy jabyny bar sporttyq nysandarmen qamtamasyz etip, sondaı-aq ár aýdan ortalyǵynda, iri eldi mekenderde dene shynyqtyrý-saýyqtyrý keshenderi qurylysyn jalǵastyrý qajet»,- dedi E. Qanaǵatov.

Búginde elimizde sporttyq nysandardyń, qajetti jabdyqtardyq jetispeýshiligi baıqalyp otyrǵanyn jetkizgen ol, bul nysandardyń kópshiligi paıdalanýdyń tehnıkalyq erejesine, halyqaralyq reglament talaptaryna, onyń ishinde qaýipsizdikti qamtamasyz etý sharalaryna sáıkes kelmeıtinin jetkizdi. Osy oraıda komıtet basshysy aýyldyq jerlerdegi dene-shynyqtyrý nysandarynyń jelisi jetispeıtinin jáne jabdyqtarmen durys qamtylmaǵanyn eskerip ótti.