Dene shynyqtyrý pániniń baǵdarlamasyna akrobattyq rok-n-roll engiziledi
ASTANA. QazAqparat - Mektepterdegi dene shynyqtyrý sabaqtaryna sporttyq kúres, fýtbol jáne akrobattyq rok-n-roll boıynsha baǵdarlama engizilmek. Reseıdiń Bilim jáne ǵylym mınıstrliginiń janyndaǵy bilim mekemelerindegi dene tárbıesi júıesin jetildirý jónindegi sarapshylar keńesi osyndaı sheshimge keldi, dep habarlaıdy RIA Novostı.
Keńes otyrysynyń hattamasynda qarastyrylǵan baǵdarlamalardy Reseı Federatsııasynyń sáıkes bilim berý uıymdarynyń bilim berý protsesinde qoldaný úshin usyný qajettigi kórsetilgen. Atap aıtqanda, «Akrobattyq rok-n-roll negizindegi jalpy bilim beretin mekemelerge arnalǵan dene shynyqtyrý baǵdarlamasy», «Fýtbol negizindegi jalpy bilim beretin mekemeler men kásibı bilim mekemelerine arnalǵan dene shynyqtyrý boıynsha qosymsha bilim baǵdarlamasy» jáne «Fýtbol negizindegi mektep jasyna deıingi daıarlyq tobynda dene tárbıesiniń kiriktirilgen kýrsynyń baǵdarlamasy» Reseı mektepterinde qoldanysqa engiziledi.
Sondaı-aq bul keńes 2014-2015 oqý jylynyń birinshi jartysynda «Mekteptegi dene shynyqtyrý sabaǵynyń úshinshi saǵaty retinde sporttyq kúres baǵdarlamasyn» synama retinde engizýdi usyndy.
