Dene shynyqtyrý muǵalimi úıine túsken uryny qarýsyzdandyryp, polıtsııaǵa tapsyrdy
KÓKShETAÝ. QazAqparat - Aqmola oblysy Atbasar qalasynyń turǵyny úıine qaraqshylyq shabýyl jasaǵan kúdiktini zalalsyzdandyryp, polıtsııaǵa tapsyrdy, dep habarlaıdy "QazAqparat" HAA tilshisi ІІD baspasóz qyzmetine silteme jasap.
"Qanat pen Mahabbat Kərimbaevtardyń aıtýynsha, aǵymdaǵy jyldyń 1 naýryzynda saǵat 20:30-dar shamasynda otbasy keshki as ishpek bolǵan. Sol kezde, olardyń qyzy dalada beıtanys er adamnyń júrgenin baıqap qalyp, anasyna aıtady. Ashylǵan esiktiń dybysyna dalaǵa shyqpaq bolǵan əıelge qolyna ashanalyq pyshaq ustaǵan, betin tumshalaǵan er adam tap beredi. Osylaısha, əıeldi qolynan ustap úıge kirmek bolǵan kúdiktiniń əreketi júzege aspaı qalady. Qolaıly sətti paıdalanǵan əıel birden qashyp, kúıeýin kómekke shaqyrady.
Atbasardaǵy mektepterdiń birinde dene shynyqtyrý pəniniń muǵalimi bolyp jumys isteıtin Qanat kúdiktige tura umtylady. Umtylyp qana qoımaı, ony qarýsyzdandyryp, polıtsııaǵa tapsyrdy", - dep kórsetilgen taratylǵan habarlamada.
Qazirgi kezde kúdiktiden túsinikteme alynyp, QR QK-niń 192-baby, 2-bólimi boıynsha qylmystyq is qozǵaldy. Sondaı-aq, kúdikti qylmys jasaý barysynda esirtkige mas kúıde bolǵany belgili boldy.
