Demokratııalyq sıpatqa ıe - Dorofeev jýrnalısterdiń mıtıngte jumys isteý qaǵıdalary jaıly

NUR-SULTAN. QazAqparat – Informburo.kz saıtynyń bas redaktory Mıhaıl Dorofeev jýrnalısterdiń beıbit jıyndarda qyzmet etý qaǵıdalary jaıly pikir bildirdi, dep habarlaıdy QazAqparat tilshisi.

«Bul qujattyń mańyzy zor. Sebebi eń aldymen bul qaǵıdalar memlekettik organdardyń, onyń ishinde Aqparat jáne qoǵamdyq damý mınıstrliginiń ózgeriske degen daıyndyǵyn kórsetip, mınıstrliktiń BAQ qyzmetin shekteý úshin qyzmet etpeıtinin dáleldeı túsedi. Zańda biz kórip otyrǵan erejeler bul tendentsııany rastaı túsedi. Redaktsııalyq turǵyda álbette pikirtalas bar. Áıtse de qaǵıdalar jalpy demokratııalyq jáne lıberaldyq sıpatqa ıe», - dedi ol Aqparat jáne qoǵamdyq damý mınıstri Aıda Balaevanyń qatysýymen ótken onlaın kezdesýde.

Onyń aıtýyna qaraǵanda, jýrnalısterdiń beıbit jıyndarǵa qatysýy turǵysynda óte mańyzdy másele bar.

«Erejelerdiń ataýyn ózgertpeý kerektigin túsinemiz. Bári zańda jazylǵan. Áıtse de, jýrnalıst reportaj jasaıtyn maman retinde de, beıbit jıyndaǵy uransózdermen kelisip, qatysatyn qatysýshy retinde de bola alady. Sol sebepti óz mindetin atqaratyn maman men mıtıngke qatysatyn jeke tulǵany ajyratyp alýymyz kerek. Sol sebepti erejelerdi ózgertý usynysy dál osy máselege tireledi», - dedi ol.

Mıhaıl Dorofeev beıbit jıynda kásibı mindettemesin oryndaıtyn adamnyń óz quqyǵy men mindettemesi baryn aıtady. Al mıtıngke qatysatyn adamnyń óz ıdeıasyna saı mindeti bar.

«Jýrnalıst baspasóz ortalyǵynda da, odan tys ta jumys isteı alatyny qaǵıdalardy naqty jazylýy tıis. Sebebi kúsh qurylymdary da osy qaǵıdattardyń erejelerin paıdalanady. Kúsh qurylymdary jýrnalıstiń qandaı quqyǵy bary nemese joǵyn bilip turýy tıis», - dedi ol.

Foto: kazlenta.kz