"Demokratııa ınstıtýtynyń" saýalnamasy boıynsha QR Prezıdentiniń kezekten tys saılaýynda respondentterdiń 95, 1 paıyzy daýystaryn N. Nazarbaevqa berdi

Bul týraly búgin elordada buqaralyq aqparat quraldarynyń ókilderine «Demokratııa ınstıtýty» ǵylymı-zertteý qaýymdastyǵynyń jobalar jónindegi dırektory ıÝlııa Kýchınskaıa málim etti.

Onyń sózine qaraǵanda, saýalnama saılaý ýchaskeleriniń aldynda eriktilerdiń qatysýymen júrgizildi.

«Saýalnamaǵa qatysqandardyń basym bóligi, ıaǵnı 95,1 paıyzy óz daýystaryn Elbasy Nursultan Nazarbaevqa, 2,1 paıyzy Ǵanı Qasymovqa, 1,5 paıyzy Mels Eleýsizovke, al 1,3 paıyzy Jambyl Ahmetbekovke bergenderin aıtty», - dedi ıÝ.Kýchınskaıa.

Sondaı-aq ol atalǵan zertteýge Qazaqstannyń 14 oblysynan jáne Astana men Almaty qalalarynan daýys berýshi 50 myń azamat qatysqanyn aıtyp ótti.

Atalǵan zertteý sharasynyń qorytyndysy boıynsha daýys berýshilerdiń saılaý ýchaskelerine kelý kórsetkishi 90,5 paıyzǵa jetti. Jalpy, bul saýalnama el aýmaǵyndaǵy 333 saılaý ýchaskesine júrgizildi. Onyń 193-i qala aýmaǵynda, al 140-y aýyldaǵy saılaý ýchaskeleri.

Dırektordyń aıtýynsha, saýalnama barysyndaǵy qatelesý deńgeıi shashamen +_0,44 paıyzdy quraıdy.

Aıta keteıik, QR Prezıdentiniń kezekten tys saılaýy barysynda osyndaı keń aýqymdy zertteý júrgizý atalǵan ınstıtýttyń bastamasy bolyp tabylady. Jáne osy sharaǵa jumsalǵan qarajat ınstıtýt esebinen júzege asyryldy.