Demokratııa ınstıtýty Prezıdenttik saılaý naýqanyna monıtorıng júrgizbek

ASTANA. QazAqparat - Qazaqstannyń Azamattyq alıansynyń tapsyrysy boıynsha prezıdenttik saılaý naýqanynyń barysyna monıtorıng júrgiziletin bolady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte «Demokratııa ınstıtýty» qoǵamdyq uıymynyń dırektory ıÝlııa Kýchınskaıa málim etti.

Instıtýt basshysynyń aıtýyna qaraǵanda, elektoraldy kezeń aldyndaǵy qoǵamdyq pikirge monıtorıng júrgizý negizinen úsh satydan turady. «Onyń birinshi kezeńi 15 naýryzdan bastap júrgizilýde jáne naýryzdyń 25-ine deıin jalǵasady. Ekinshi kezeńinde 1-7 sáýir aralyǵy qamtylady. Sońǵy úshinshi kezeń - 10-18 sáýir aralyǵyn qamtıdy. Bul kezeńder boıynsha zertteý nátıjelerin biz jarııalap otyratyn bolamyz», - dedi brıfıng barysynda ıÝ.Kýchınskaıa.

Onyń aıtýyna qaraǵanda, árbir saýaldamaǵa Qazaqstannyń barlyq óńirlerinen 2000 respondent qatysady. Áleýmettik zertteý árbir óńirdiń qalalyq jáne aýyldyq eldi mekenderin teńdeı qamtymaq. Bul rette zertteý nátıjesi boıynsha aýytqýlar ortasha alǵanda 2,7 paıyzdyq shekte bolady.

Taǵy da eske sala keteıik, QR Prezıdentiniń saılaýy kezeńinde elektoraldy naýqanǵa monıtorıngti «Qazaqstannyń Azamattyq alıansy» zańdy tulǵalar birlestiginiń tapsyrýy boıynsha «Demokratııa ınstıtýty» Ǵylymı-zertteý qaýymdastyǵy» qoǵamdyq uıymy júzege asyratyn bolady.