Demokratııa ıgilikterin ıgerýde Qazaqstan óz jolymen izdenýge quqyly - Q. Sultanov
ANA. 6 qańtar. QazAqparat /Qanat Mámetqazyuly/ - Demokratııa ıgilikterin ıgerýde Qazaqstan óz jolymen izdenýge quqyly. Búgin QR Parlamenti Senatynyń jalpy otyrysynda «QR Konstıtýtsııasyna ózgeris engizý máselesi boıynsha Qazaqstan Respýblıkasy Prezıdentiniń respýblıkalyq referendým taǵaıyndaýy týraly» Parlament depýtattarynyń usynysyn talqylaý barysynda senator Qýanysh Sultanov osylaı málim etti.
«Jańa dáýirdegi memleketimizdiń barlyq jetistikteri Tuńǵysh Prezıdentimizdiń qaıratkerlik eńbegimen baılanysty. Osy ýaqyt aralyǵynda «Qazaqstan - Nazarbaev» degen egiz uǵym qalyptasty. Elbasy eń qıyn kezeńderden jáne tuıyqqa tirelgen tyǵyryqtan elin shyǵara bilip, Qazaqstandy tarıhtyń tórine kóterdi. Elbasynyń is-áreketi tapqyrlyǵy, kóregendigi, ozyqtyǵy el múddesine qyzmet etýde. Aldymyzdaǵy gúldengen órkendegen, dúnıejúzilik básekege laıyq Qazaqstanda ómir súrý maqsatyna bet alǵan ol sapardy da óziniń 2020 jylǵa deıingi baǵldarlamasyn jarııalady. Onyń jemisti, nátıjeli bolýy halyqtyń qamy, qoǵamnyń suranysy. Biz bárimiz de sol bıik maqsattarǵa óz aıaǵymyzben jetip, óz kózimizben kórýge múddelimiz», - dedi senator.
Onyń aıtýynsha, saılaý da, referendým da eń aldymen eldiń amandyǵyna, táýelsizdiktiń beriktigine, turmystyń jaqsarýyna qyzmet etýi tıis. «Saılaý men referendým - ekeýi de demokratııalyq tásilder. Ekeýiniń de mártebesi bizdiń Ata zańymyzda, basqa da zańdarymyzda anyq kórsetilgen. ıAǵnı, biz ekeýin de teń paıdalanýǵa quqylymyz. Olar bir-birinen alshaq ta, bir-birine qaıshy da emes. Demokratııalyq ınstıtýttardy da referendým arqyly tolyq damytýǵa bolady. Demokratııa ıgilikterin ıgerýde Qazaqstan óz jolymen izdenýge quqyly. Eń bastysy halyqtyń basym kópshiliginiń tilegin oryndaýǵa umtylý qajet», - dedi Q. Sultanov.
