Demeýshiler Atyraý oblysynda 5 sport alańyn salyp jatyr
ATYRAÝ. QazAqparat - Demeýshiler Atyraý oblysynda 5 sport alańyn salyp jatyr, dep habarlaıdy QazAqparat tilshisi.
«Jańa sport alańdarynyń biri paıdalanýǵa tapsyryldy. Ol Jılgorodok shaǵyn aýdanyndaǵy «Kýznetsov alańynda» salyndy. Onda fýtbol alańy, workout trenajerlary, balalarǵa arnalǵan oıyn alańy bar. «Kýznetsov alańy» Atyraý qalasynyń aýmaǵyndaǵy eń alǵashqy fýtbol alańdarynyń biri. Ekinshi alań «Almagúl» shaǵyn aýdanynda salyndy. Sport alańdarynyń qurylysyna qarajatty demeýshiler quıyp jatyr», - dep málimdedi Atyraý qalasy ákimdiginiń baspasóz qyzmeti.
Demeýshilerdiń qarjysyna Aqqystaý, Dossor, Muqyr kentterinde de sport alańdary salynady.
Aıta keteıik, ótken ǵasyrdyń ortasynda Gýrev munaı óńdeý zaýytynyń Jılgorodok shaǵyn aýdanynda turǵan jumysshysy Vasılıı Mıhaılovıch Kýznetsov úıdiń janyndaǵy alańdy tazalap, kórshi aýdandardyń jastarynan quralǵan komandalar arasynda joldastyq kezdesýlerin uıymdastyra bastaıdy. Osylaısha, ondaǵan jyldardan beri bul alań qalalyqtardyń súıikti alańyna aınalady. Sońǵy jyldary alań qaraýsyz qalǵan bolatyn.
