Demeý Jadyraev fınalǵa shyqpaǵanda maǵan qola joq edi — qyrǵyz balýany

PARIJ. KAZINFORM — Parıjde ótip jatqan Olımpıada oıyndarynda grek-rım kúresinen qola medal jeńip alǵan qyrǵyz balýany Aqjol Mahmýdov jarystan keıin Demeý Jadyraevqa alǵysyn aıtty.

«Birinshi beldesýde ókinishke qaraı, sizderdiń balýan Demeý Jadyraevtan utylyp qaldym. Sodan keıin búkil qyrǵyz eli Demeýge jankúıer boldyq. Eger ol fınalǵa shyqqanda meniń qola medalǵa talasatynym anyq edi. Tilegimiz qabyl boldy. Ol fınalǵa shyqty. Osylaısha qazaq balýany maǵan qolaǵa múmkindik syılady. Men ol múmkindikti óte jaqsy paıdalana bildim. Qola júldeni aldym. Ary qaraı Demeýdi altyn alsa eken dep qatty tiledim. Degenmen altyn buıyrmady», — dedi qyrǵyz balýany.

Sonymen qatar, ol eki eldiń dostyǵy týraly da aıta ketti.

«Biz, qyrǵyz-qazaq bir týǵanbyz. Dostyǵymyz jarasa bersin. Júldelerińiz qutty bolsyn», — dedi Aqjol Mahmýdov.

Aıta keteıik, Demeý Jadyraev fınalda japonııalyq Nao Kýsakadan 5:2 esebimen utylyp, Parıj Olımpıadasynyń kúmis júldesin qanaǵat tutty.

Grek-rım kúresinen ulttyq quramanyń bas bapkeri ıÝrıı Melnıchenko jarystan keıin Demeý Jadyraevtyń fınaldaǵy beldesýi jaıynda pikir bildirdi.

Onyń aıtýynsha, Jadyraevqa azdaǵan eptilik jetpeı qaldy.