"Demeý" prodıýsserlik jáne oryndaýshylar odaǵy" akkredıtatsııa týraly kýálik aldy
ALMATY. Mamyrdyń 5-i. QazAqparat /Názıra Eleýhan/ - "Demeý" prodıýsserlik jáne oryndaýshylar odaǵy" Respýblıkalyq qoǵamdyq birlestik ujymdyq negizde múliktik quqyqtarmen basqaryp otyrǵan mekemeniń akkredıtatsııa týraly kýáligin aldy.
Bul týraly búgin Almatyda ótken arnaıy baspasóz máslıhatynda aıtyldy, dep habarlaıdy QazAqparat.
«Odaq 2005 jyly tirkelgen bolatyn. Al bıylǵy sáýirdiń 16 kúni akkredıtatsııa týraly kýálik aldyq. Bul bizdiń uıymdaǵy oryndaýshylardyń sabaqtas quqyqtaryn qorǵaýdaǵy qyzmetin keńeıtýge jáne odan ári joǵary deńgeıde jumys isteýge múmkindik beredi. Sonymen qatar, qazaqstandyq oryndaýshylar úlesine syıaqy jınaý kóbeıedi», dep atap ótti «Demeý» birlestiginiń tóraǵasy Qydyráli Bolmanov.
Birlestikke qazirdiń ózinde 130-dan astam qazaqstandyq ánshiler ózderiniń quqyqtaryn basqarýǵa senim bildirgen. Onyń ishinde, Bıbigúl Tólegenova, Eskendir Hasanǵalıev, Toqtar Serikov, Nurǵalı Núsipjanov, Mádına Sádýaqasova syndy ánshiler jáne «MuzArt», «Dos-Muqasan», «Nur-Muqasan toptary bar.
