Demalysta júrgen óskemendik qutqarýshy ózenge batyp bara jatqan adamdy alyp shyqty
ShQO tótenshe jaǵdaılar departamenti baspasóz qyzmetiniń málimetine súıensek, jedel-qutqarý jasaǵynyń qyzmetkeri Evgenıı Karpýnov qyzmetten bos ýaqytta Mırnyı kentiniń mańyndaǵy Ertis ózeninde jaǵadan alysta maltyp júrgen adamdy kórgen.
«Evgenıı oǵan sýdan shyǵyńyz dep aıqaılap, bul jerdiń óte qaýipti ekenin jetkizgen. Alaıda er adam áli joqtyǵyn, qatty tońǵanyn aıtady. Qutqarýshy «112» nómiri boıynsha áriptesterine habar bergen soń birden sýǵa sekirgen. Jigitke maltyp jetip, qaıyqpen kelgen ShQO TJD qyzmetkerlerimen birge ony jaǵaǵa jetkizdi. Alǵashqy kómek kórsetip, qatty tońǵan adamdy jedel járdem dárigerlerine tapsyrdy», - delingen aqparatta.
Belgili bolǵandaı, 28 jastaǵy jigit qalyńdyǵymen renjisip qalǵan soń sýǵa kelgen.
«Evgenıı Karpýnov – 11 jyldan astam ýaqyt azamattardyń qaýipsizdigi úshin qyzmet etip kele jatqan tájirıbeli qutqarýshy. Ol árdaıym kómekke kelýge daıyn. Óıtkeni qutqarýshylar qyzmette nemese demalysta bolsa da óz mindetterine adal bolýy tıis», - delingen habarlamada.
