Demalysta Aqmola oblysynda jekelegen nysandar jumysyn toqtatady
KÓKShETAÝ. QazAqparat – Aqmola oblystyq Sanıtarlyq-epıdemıologııalyq baqylaý departamentiniń basshysy Aınagúl Mýsına demalys kúnderi óńirde birqatar áleýmettik nysan jumysyn toqtatatynyn eske saldy, dep habarlaıdy QazAqparat tilshisi.
A.Mýsınanyń aıtýynsha, senbi jáne jeksenbi kúnderi kelesi nysandardyń qyzmeti toqtatylatyn bolady:
Senbi jáne jeksenbi kúnderi:
1. aýdany 1000 sharshy metrden astam azyq-túlik emes dúkender;
2. jabyq azyq-túlik emes jáne azyq-túlik bazarlary (saýda úıleri, saýda ortalyqtary, pavılondar, dúkender jáne t. b.);
3. saýda, oıyn-saýyq ortalyqtary, saýda úıleri, azyq-túlik bólimderi men dárihanalardy qospaǵanda, saýda ortalyqtary;
4. fıtnes-ortalyqtar, jattyǵý zaldary, sporttyq-saýyqtyrý ortalyqtary, basseınder;
5. saýna, SPA ortalyqtary.
Jeksenbi kúnderi:
1. sýpermarketter, gıpermarketter, alańy 1000 sharshy metrden astam azyq-túlik bólimderi men dárihanalardy qospaǵanda;
2. ashyq azyq-túlik jáne azyq-túlik emes bazarlar;
3. sulýlyq salondary, shashtarazdar, manıkıýr jáne pedıkıýr qyzmetteri, kosmetologııalyq qyzmetterdi kórsetetin obektiler.
