Demalys jáne mereke kúnderi Qazaqstanda aýa raıy qandaı bolady?
ASTANA. QazAqparat - Respýblıka aýmaǵymen ótip jatqan tsıklon ózimen birge qar, burqasyn, ekpindi jel ákeledi, dep habarlaıdy «QazAqparat» HAA «Qazgıdrometke» silteme jasap.
«Tsıklonǵa baılanysty ornaǵan jáne respýblıkanyń batysynda qar jaýýyna sebep bolǵan bulttar shyǵysqa qaraı yǵysýda. Bulttardyń Qazaqstan aýmaǵy boıynsha jyljýymen birge qar jaýyp, burqasyn bolady, ekpindi jel soǵady, respýblıkanyń basym bóliginde kóktaıǵaq bolyp, tuman túsedi», - delingen habarlamada.
Boljanyp otyrǵan kezeńniń sońynda troprosferalyq aǵyndardyń batystan soltústikke aýysýyna jáne antıtsıklonnyń jyljýyna baılanysty respýblıkanyń kóptegen oblystarynda kún salqyndaıdy.
