«Demalys kúnin aýystyrý týraly» QR Úkimetiniń qaýlysyna qol qoıyldy
ASTANA. Jeltoqsannyń 1-i. QazAqparat - QR Premer-Mınıstri Kárim Másimov «Demalys kúnin aýystyrý týraly» 2009 jylǵy qarashanyń 26-syndaǵy qaýlyǵa qol qoıdy. QazAqparat qaýlynyń mátinin jarııalaıdy.
Demalys kúnin aýystyrý týraly
2009 jylǵy jeltoqsanda eńbekkerlerdiń demalysy úshin qolaıly jaǵdaı týǵyzý jáne jumys ýaqytyn tıimdi paıdalaný maqsatynda Qazaqstan Respýblıkasynyń Úkimeti QAÝLY ETEDІ:
1. Demalys kúni 2009 jylǵy jeltoqsannyń 20-syndaǵy jeksenbiden jeltoqsannyń 18-indegi jumaǵa aýystyrylsyn.
2. Qajetti ónimderdi shyǵarý, qarjylyq qyzmetterdi qosa alǵanda qyzmetter kórsetý úshin eńbek, materıaldyq jáne qarjylyq resýrstarmen qamtamasyz etilgen, sondaı-aq qurylys nysandaryn iske qosýmen aınalysatyn uıymdarǵa kásipodaq uıymdarymen kelise otyryp 2009 jylǵy jeltoqsannyń 18-inde jumys isteý quqyǵy berilsin.
Kórsetilgen kúngi jumysqa Qazaqstan Respýblıkasynyń qoldanystaǵy zańnamasyna sáıkes ótemaqy tólenedi.
3. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri K. Másimov.
