Demalys kúni 11 naýryzdan 9 naýryzǵa aýystyryldy
ASTANA. 29 aqpan. QazAqparat - Búgin QR Premer-Mınıstri Kárim Másimov demalys kúnin aýystyrýǵa qatysty Úkimet qaýlysyna qol qoıdy, dep habarlaıdy pm.kz saıty.
«Demalys kúnin 11 naýryzdan 9 naýryzǵa aýystyramyz», - dep jazdy K.Másimov Twitter-degi mıkroblogyna.
Úkimet qaýlysyna sáıkes, demalys kúni 2012 jylǵy 11 naýryz, jeksenbiden 9 naýryz, juma kúnge aýystyrylady.
Qajetti ónimderdi, qarjy qyzmetterin qosa alǵanda, basqa da qyzmet túrlerin kórsetý úshin eńbek, materıaldy jáne qarjy resýrstarymen qamtylǵan uıymdarǵa, sondaı-aq qurylys nysandaryn iske qosatyn uıymdarǵa kásipodaq uıymdarymen kelise otyryp 2012 jyldyń 9 naýryzynda jumys isteý quqyǵy beriledi.
Atalyp otyrǵan kúngi jumys Qazaqstan Respýblıkasynyń zańnamasyna sáıkes tólenedi.
