Demalys kúnderine arnalǵan aýa raıy boljamy
ASTANA. QazAqparat - «Qazgıdromet» RMK demalys kúnderine arnalǵan aýa raıy boljamyn usynady.
«Tsıklon jáne onymen baılanysty sýyq atmosferalyq fronttar jaqyn aradaǵy táýlikte Qazaqstannyń soltústik jáne soltústik-batys óńirlerine yqpal etetin bolady, ekpindi jel men jańbyr kútiledi, kúndiz 8 qyrkúıekte temperatýra +12-17 deıin, keı jerlerde +20- ǵa deıin tómendeıdi. Al elimizdiń shyǵysynda jáne ortalyǵynda sýyq aýa raıy 9 qyrkúıekke jyljıdy. Respýblıkanyń batysynda, ońtústik-batysynda, ońtústiginde, ońtústik-shyǵysynda jaýyn-shashynsyz jaıly aýa raıy bolady. Kúndizgi temperatýra burynǵydaı joǵary +25...+38ºS aralyǵynda» dep jazylǵan habarlamada.
