Demalys kúnderine arnalǵan aýa raıy boljamy - Qazgıdromet
ASTANA. QazAqparat - Demalys kúnderi ystyq, qurǵaq aýa raıy Qazaqstan aýmaǵynyń kóptegen bóliginde bultty, jańbyrly jáne jeldi aýa raıyna aýysady, dep habarlaıdy «Qazgıdromet».
«Aýa temperatýrasy apta basyna túngi ýaqytta respýblıkanyń soltústiginde, soltústik-batysynda, ortalyǵynda jáne shyǵysynda 3-13ºS deıin, kúndiz 10-15 deıin tómendeıdi, keı jerlerde 20-25ºS quraıdy. Batysta túngi temperatýra aıtarlyqtaı tómendemeıdi jáne 15-23ºS quraıdy, al kúndiz ystyq túsedi jáne temperatýra 22-27 shamasynda, keı jerlerde 33ºS bolady.
Al 19 mamyrda respýblıkanyń tek ońtústiginde, ońtústik-shyǵysynda naızaǵaımen ótkinshi jańbyr ótedi, jel 15-20 m/s deıin kúsheıedi. Túngi temperatýra 13-20ºS shamasynda qalady, al kúndizgi temperatýra 25-33ºS quraıdy», - dep jazylǵan habarlamada.
