Demalys kúnderi jańbyrly bolyp, keler apta kún kúrt ysıdy
ASTANA. QazAqparat - Qazgıdromet Qazaqstannyń soltústik oblystaryn salqyn aýa raıyn alyp kelgen tsıklon Batys Sibirdiń ońtústigine kóshetindigin habarlaıdy. Esesine el aýmaǵyna tropıkalyq aýa taralyp, Qazaqstannyń tek ońtústigi ǵana emes, soltústigi de qatty ysıdy.
Jaqyn aradaǵy eki kúnde naızaǵaıly jáne ekpindi jelmen ótkinshi jańbyr Qazaqstannyń soltústiginde, ortalyǵynda, shyǵysynda jáne ońtústik-shyǵysynda saqtalady. Dúısenbi kúni jaýyn-shashyn bolmaıdy jáne temperatýra kúrt kóteriledi.
Atap aıtqanda ortalyqta jáne ońtústik-shyǵysta +30...+40ºS-ge deıin, soltústikte +30...+38ºS-ge deıin, shyǵysta +28...+33ºS-ge deıin jyly bolady. Eń ystyq aýa raıy respýblıkanyń batysynda jáne ońtústiginde kútiledi, munda synap baǵanasy +33...+45ºS-ge deıin kóteriledi.
