Demalys kúnderi jańbyr jaýyp, aýa temperatýrasy kóteriledi

ASTANA. QazAqparat - Qazgıdromet mamandary 20-22 mamyr aralyǵyna arnalǵan úsh kúndik aýa raıy boljamyn jarııalady.

Qazaqstannyń basym bóliginiń aýa raıyna Ońtústik tsıklon jáne onymen baılanysty atmosferalyq fronttar yqpal etedi.

Osyǵan baılanysty kóp óńirde jańbyr jaýady, naızaǵaı oınap, ońtústik óńirlerde burshaq saqtalady.

20 mamyrda batysta, soltústik-batysta, ortalyqta jáne ońtústikte, 20-22 mamyrda elimizdiń ońtústik-shyǵysynda qatty jańbyr bolady dep boljanyp otyr.

Sondaı-aq respýblıka boıynsha jel kúsheıedi, respýblıkanyń ońtústiginde daýyl soǵady.

Qazaqstan boıynsha temperatýralyq fon joǵarylaıdy.

Túngi ýaqytta soltústik-batys jáne soltústikte topyraq betinde 2 gradýsqa deıin úsik júredi.