Demalys kúnderi jalpy 2 934 ákimshilik quqyq buzýshylyq anyqtaldy
ASTANA. QazAqparat - Jańajyldyq meıram kezeńinde elordalyq ІІD qyzmetkerleri kúsheıtilgen tártipte jumys istedi.
Іshki ister departamenti málimetine qaraǵanda, qabyldanǵan aldyn alý sharalarynyń nátıjesinde qaladaǵy ahýal turaqty boldy.
«Astanada táýlik boıǵy tártipte ІІD-niń Jedel basqarý ortalyǵynyń 700-ge tarta beıne baqylaý kameralary jumys isteýde. Olardyń kómegimen 400-den astam ákimshilik quqyq buzýshylyq pen 200-den astam jol qozǵalysy erejesin buzý faktileri anyqtaldy»,-delingen ІІD-niń «QazAqparat» saýalyna jibergen jaýabynda.
Jańajyldyq demalys kúnderi jalpy 2 934 ákimshilik quqyq buzýshylyq anyqtaldy. Onyń kóbisi buzaqylyq, qoǵamdyq oryndarda alkogoldik ishimdikterge masaıǵan kúıinde júrý, adamdardyń mazasyn alý sekildi faktiler.
Munymen qosa, meıram kúnderi jol-patrýldik polıtsııa qyzmetkerleri elordada 900-ge tarta ákimshilik quqyq buzýshylyqtyń jolyn kesti. Kólikti mas kúıinde basqarǵan 44 júrgizýshi ustaldy. Ákimshilik jaýapkershilikke uıaly telefondy paıdalanǵan 52 júrgizýshi, jyldamdyqty shamadan tys asyrǵan - 49, qaýipsizdik beldigin taqpaǵan - 63 júrgizýshi tartyldy, sondaı-aq jol júrý erejesin buzǵan 100-den astam jaıaý júrginshi jazalandy.
