Demalys kúnderi zańsyz aýlanǵan jarty tonnaǵa jýyq baǵaly balyq tabyldy - QR UQK ShQ
ASTANA. QazAqparat - Shekara qyzmetiniń «Jaǵalaý kúzeti» óńirlik basqarmasyna qarasty «Eýrazııa» zastavasynyń narıady Damba eldi mekeniniń janynan aǵatyn Oral ózeniniń boıynan elimizdiń 4 azamatyn ustady.
Olardyń «ÝAZ» avtokóliginiń ishinen salmaǵy 320 keli bolatyn baǵaly tuqymdy balyq tabyldy, dep habarlaıdy QR UQK Shekara qyzmetiniń baspasóz qyzmetinen.
Teksere kelgende, atalǵan azamattardyń teńizge shyǵýǵa ruqsat beretin qaǵazy bolmaı shyqty. Ustalǵandar ákimshilik jazaǵa tartyldy.
Osy kúni shekarashylar qamys arasyna áldekimderdiń jasyryp ketken 89 dana balyǵyn tapty, tarazyǵa tartqanda onyń jalpy salmaǵy 68 kılogramm bolyp shyqty (aqmarqa - 32 keli, sazan - 36 keli).
Shekarashylar qamys arasyn teńiz polıtsııasymen birlese otyryp qaıta teksergen kezde ol jerden taǵy 126 dana (78 keli) bekire balyǵy tabyldy.
Atalǵan derekter boıynsha quqyq qorǵaý organdary habarlandyryldy. Tergeý amaldary júrgizilýde.
