Demalys kúnderi Ulytaý oblysynda qar qursaýynan 12 adam qutqaryldy
Qutqarylǵandar medıtsınalyq kómekke muqtaj bolmady. Avarııalyq-qutqarý jumystaryna TJD-nyń 26 qyzmetkeri, jergilikti atqarýshy organdar men jaqyn mańdaǵy eldi mekenderdiń turǵyndary jáne 7 birlik tehnıka jumyldyryldy.
«Qazirgi ýaqytta 2 adamdy izdestirý jalǵasýda, izdestirýge Ulytaý oblysy TJD men jergilikti atqarýshy organdardyń 25 mamany jáne 8 birlik tehnıka kúshteri men quraldary tartyldy.
Halyqty eskertý maqsatynda abonentterge aýa raıynyń nasharlaýy týraly 229 629 SMS-habarlama jiberildi jáne «Darmen» mobıldi qosymshasy arqyly daýyldy eskertý boıynsha 3 habarlama, joldardyń jabylýy boıynsha 2 habarlama joldandy», - dep jazdy TJM-nan.
Ulytaý oblysynyń TJD aýa raıyn baqylaýdy jáne eldi mekenderden tys aımaqtarǵa shuǵyl qajettiliksiz barmaýdy eskertedi.
Qazirgi ýaqytta aýa raıy jaǵdaılarynyń nasharlaýyna baılanysty Jezqazǵan-Petropavl tas joly, Sátbaev-Jezdi, Jezdi-Qostanaı oblysy shekarasy joldarynyń ýchaskesi jabyq.
Foto: t.me/qr_tjm
