Demalys kúnderi Temirtaýda saýna men basseınder jumysy toqtatylady

TEMІRTAÝ. QazAqparat – Temirtaýda qalanyń bas sanıtarlyq dárigeriniń jańa Qaýlysyna sáıkes keıbir shekteýler eskerile otyryp, oqytý jáne bilim berý nysandarynyń jumysyna ruqsat beriledi. Jeksenbide SPA ortalyqtary, saýnalar men basseınderdiń qyzmeti toqtatylady, dep habarlaıdy QazAqparat tilshisi.

Sovid-19 koronavırýstyq ınfektsııanyń syrqattanýshylylyǵyna júrgizilgen taldaý, sondaı-aq Temirtaý qalasyndaǵy epıdemıologııalyq jaǵdaıdy turaqtanýyn eskere otyryp, Qazaqstan Respýblıkasynyń Bas memlekettik sanıtarııalyq dárigeriniń 2021 jylǵy 27 aqpandaǵy №9 qaýlysy jáne Qaraǵandy oblysynyń Bas memlekettik sanıtarııalyq dárigeriniń 2021 jylǵy 28 aqpandaǵy №5-Q qaýlysyna sáıkes Temirtaý qalasynyń Bas memlekettik sanıtarııalyq dárigeriniń 17.02.2021 jylǵy №2-Q qaýlysyna ózgerister men tolyqtyrýlar engizý týraly Qaýlysy qabyldandy:

Jeksenbide SPA ortalyqtary, saýnalar men basseınderdiń qyzmeti toqtatylady.

Kelesilerge ruqsat etiledi:

1. Bilim berý obektilerinde, kelesideı túrde oqytý qaıta bastalady:

1. Oqýshylar sany 300-ge deıin, synyptarda balalar sany 15-ke deıin qalalyq jáne aýyldyq mektepterde dástúrli formatta oqytý;

2. 2021 jylǵy 1 naýryzdan bastap jalpy bilim beretin mektepterde kezekshi synyptarda 1-den 5-synypqa deıin qosa alǵanda, halyqaralyq mektepterde 1-den 7-synypqa deıin qosa alǵanda;

3. bitirýshi synyptar úshin aptanyń 6 kúni ishinde aralas oqytý (9, 11 (12) synyptar): pánderdiń 70% - y shtattyq rejımde, 30% - y qashyqtyqtan oqytý (synypta 15 adamnan artyq emes, áleýmettik qashyqtyqty saqtaý, 1 – synyp-1-kabınet qaǵıdaty boıynsha oqytý, bir ýaqytta mektepte jobalyq qýattyń 30%-dan aspaıtyn bolýy, sanıtarııalyq-dezınfektsııalyq rejımdi, maskalyq rejımdi kúsheıtý);

4. bilim berý mekemesi ákimshiliginiń sheshimi boıynsha sabaqtan tys ýaqytta 15 adamnan aspaıtyn toptarda oqýshylardy jeke oqytý;

5. kolledjder men joǵary oqý oryndarynyń I kýrs stýdentteri úshin shtattyq oqytýdyń ekinshi semestrinen ruqsat».

2. saýda-oıyn-saýyq ortalyqtarynyń, saýda úıleriniń, saýda jelileriniń, azyq-túlik emes taýarlardy ótkizý jónindegi dúkenderdiń, ashyq, jabyq azyq-túlik jáne azyq-túlik emes bazarlardyń toltyrylýy 30% - dan aspaıtyn, 1 kelýshige 4 sharshy metrden kem emes saqtalýy, sanıtarııalyq jáne dezınfektsııalyq sharalardy kúsheıte otyryp, dúısenbiden jeksenbige deıin jumys isteý rejımi saǵat 20.00-ge deıin.

Sonymen qatar, qyzmetti qalpyna keltirilmegen barlyq nysandar úshin kelýshiler men qyzmetkerlerdiń mindetti termometrııasyn júrgizý, jeke qorǵanys quraldaryn paıdalaný, áleýmettik qashyqtyqty saqtaý, jalpy talaptar, kúsheıtilgen sanıtarııalyq-dezınfektsııalyq rejımdi saqtaý qala beredi.

Mynadaı qyzmetterge tyıym jalǵasýda:

oıyn-saýyq mekemeleriniń (karaoke, bılıard, kompıýterlik klýbtar, túngi jáne oıyn klýbtary, boýlıng ortalyqtary, jabyq úı-jaılardaǵy balalar oıyn alańdary men attraktsıondary, batýttar, karaoke, banket zaldary), býkmekerlik keńseler, oıyn-saýyq, buqaralyq is-sharalar, kórmeler, konferentsııalar, forýmdar, otbasylyq jáne este qalarlyq is-sharalar;

mektepke deıingi balalar mekemeleriniń (kezekshi toptardy qospaǵanda);

banket zaldary;

merekelik korporatıvterdi uıymdastyrýǵa jáne ótkizýge tyıym salý.

Temirtaý qalasynyń turǵyndary men qonaqtaryna obektilerde jumys rejımimen jabylǵan obektilerde (kafe, meıramhanalar, jáne t. b.) bolýǵa tyıym salynady.)