Demalys kúnderi Shyǵys Norvegııaǵa 7,5 myńǵa jýyq jaı túsken
OSLO. QazAqparat – Sınoptıkter ótken aptanyń demalys kúnderi Shyǵys Norvegııaǵa 7463 ret naızaǵaı túskenin anyqtady. Jergilikti mamandardyń aqparatyna sáıkes, naızaǵaıdyń jarqyldaýyna soltústikten soqqan daýyldy jel men ońtústikten kelgen jyly aýanyń kezdesýi sebep bolǵan, dep habarlaıdy QazAqparattyń menshikti tilshisi.
Jaı túsýi ájeptáýir materıaldyq shyǵyn ákelgenimen, sońǵy jyldary Norvegııada sońy ólimge ákep soqqan jaǵdaılar kóp emes.
Sońǵy 20 jylda naızaǵaı soǵyp, elde 3 adam qaza tapqan. Alaıda shilde aıynyń sońynda Italııanyń Alpi taýynda tabıǵı releften júgirýge qatysqan 45 jastaǵy norvegııalyq azamatsha naızaǵaıdyń qurbany boldy. Teńiz deńgeıinen bıiktigi 2,1 myń metrden jaı túskennen keıin áıel adam tiri bolǵan, alaıda qutqarýshylar kelgenshe jan tásilim etken.
Shamamen osy ýaqyt aralyǵynda Úndistanda naızaǵaı túsip, 2 kún ishinde 50 adam kóz jumǵan edi.
Al osy oqıǵalardan úsh jyl buryn dál sol Norvegııanyń Hardangevıdd ońtústik taýly ústirtine jaı túsip, 323 buǵy qyrylyp qaldy.
Avtor: Ilıas Omarov
