Demalys kúnderi respýblıkanyń birqatar aımaqtarynda kún ystyq bolady
ASTANA. QazAqparat - «Qazgıdromet» RMK 6-8 tamyz kúnderine arnalǵan aýa raıy boljamyn usynady.
«Antıtsıklon yqpalymen respýblıkanyń basym bóliginde demalys kúnderi jaýyn-shashynsyz, kún ala bultty bolady, ystyq aýa raıy batys jaqtan birtindep barsha Qazaqstanǵa taraıdy. Batysta jáne ońtústikte aýa raıy 32-42ºS, ońtústik-shyǵysta 28-37ºS, qalǵan aýmaqta 25-ten 35ºS-qa deıin ystyq bolady dep kútilýde. Bul temperatýra qalyptydan 3-7ºS joǵary. Tek shyǵysta jáne taıaý kúnderi respýblıka soltústiginde jer-jerlerde naızaǵaımen ótkinshi jaýyn jaýýy yqtımal», - dep jazylǵan habarlamada.
