Demalys kúnderi respýblıkanyń basym bóliginde qatty ystyq bolady - Qazgıdromet
ASTANA. QazAqparat - «Qazgıdromet» RMK 30 mamyr - 1 maýsym kúnderine arnalǵan aýa raıy boljamyn usynady.
«Jaqyn aradaǵy úsh táýlikte Aldyńǵy Azııa aýdandarynan ystyq aýa Qazaqstannyń barlyq derlik aýmaǵyna taralady: batysta jáne ońtústikte kúndizgi temperatýra +35-41º deıin, soltústik jáne ortalyqta +28-35º deıin. Tek respýblıkanyń shyǵys jáne ońtústik-shyǵys oblystaryna Batys Sibirden salqyn aýa keledi. Sondyqtan munda keı jerlerde ótkinshi naızaǵaıly jańbyr, burshaq jaýady», - dep jazylǵan habarlamada.
