Demalys kúnderi respýblıkada qatty aıaz kútiledi
ASTANA. QazAqparat - «Qazgıdromet» RMK 2016 jyldyń 19-21 qarashasy demalys kúnderine arnalǵan aýa raıy boljamyn taratty.
«Sibirdiń soltústik aýdandary ústinde qalyptasqan sýyq jáne aýqymdy antıtsıklonnyń saldarynan Qazaqstanda naǵyz qysqy aýa raıy ornady.
Aldaǵy demalys kúnderi respýblıkada aıaz arktıkalyq aýanyń jańa úlesteriniń kelýimen kúsheıetin bolady. Soltústik, ortalyq jáne shyǵys oblystarda túngi temperatýra 30-35º, keı jerlerde 40º aıaz, batysta 20-28º aıaz kútilýde.
Qazaqstannyń ońtústigi men ońtústik-shyǵysynda da sýyq, qar jaýý, keı jerlerde óte kúshti shyǵystyq jel, boran kútilýde. Aýa temperatýrasy aldaǵy úsh táýlikte Qazaqstannyń barlyq aýmaǵynda klımattyq mánnen tómen 13-20ºS saqtalady», - dep jazylǵan habarlamada.
