Demalys kúnderi Pavlodar oblysynda eki iri jol apaty boldy
PAVLODAR. QazAqparat – Eki jol apatynyń birinde kóz jumǵan adam Aqmola oblysynyń turǵyny bolyp shyqty, dep habarlaıdy QazAqparat tilshisi.
«12 qazan kúni 22:00-de Ekibastuz-Tórtkudyq avtojolynda, Shiderti aýylynan 2 shaqyrym jerde «Audi 80» avtokóliginiń júrgizýshisi rólge ıe bola almaı, metaldan jasalǵan qorshaýǵa soǵylǵan. Jol apaty saldarynan Aqmola oblysynyń 53 jastaǵy turǵyny oqıǵa ornynda kóz jumdy», - dep málim etti Pavlodar oblysy polıtsııa departamenti baspasóz qyzmetindegiler.
Júrgizýshi men eki jolaýshy aýrýhanaǵa jatqyzyldy. Sondaı-aq vedomstvo adam ólimine ákelgen taǵy bir jol apatynyń bolǵanyn málim etti.
«13 qazan kúni 07:20-da Pavlodar-Qyzylorda avtojolynyń 79-shy shaqyrymynda «Lada 21911» kóliginiń 26 jastaǵy júrgizýshisi rólge ıe bola almaı, aýdarylǵan. Jol apatynan júrgizýshi oqıǵa ornynda qaza tapty», - dedi polıtsııadan.
Eki derek boıynsha sot-medıtsınalyq saraptama taǵaıyndaldy, kólikter aıyppul turaǵyna jetkizilgen. QR QK 345-babyna sáıkes sotqa deıingi tergeý júrip jatyr.
Avtor: Anton Gagarın
