Demalys kúnderi Nur-Sultan qalasynda qandaı mádenı sharalar ótedi
NUR-SULTAN. QazAqparat - Elordadaǵy mádenı oshaqtar aldaǵy demalys kúnine oraı túrli teatr qoıylymdaryn, kórmeler men ekskýrsııalar usynady. Barlyq is-sharalar sanıtarlyq talaptarǵa saı ótedi, dep habarlaıdy QazAqparat ákimdikke silteme jasap.
Astana Opera-da 14 jáne 15 qarasha kúnderi saǵat 18:00-de «Evgenıı Onegın» operasy ótedi.
15 qarasha kúni saǵat 15:00-de qazaqstandyq jas mýzykanttar «Eýropaǵa mýzykalyq saıahat» kontsertinde Germanııa, Frantsııa jáne Italııa kompozıtorlarynyń shyǵarmalaryn oryndaıdy.
Táýelsizdik saraıynda 31 jeltoqsanǵa deıin Abaıtyń 175 jyldyǵyna arnalǵan jáne «Aqanaevtar áýleti» kórmesi ótedi.
30 qarashaǵa deıin saǵat 10:00-den 17:00-ge deıin «Óner qarlyǵashtary» jáne «Álem bala kózimen» atty balalar ekspozıtsııalary ashyldy. Sondaı-aq, Qazaqstan Sýretshiler odaǵynyń múshesi, «Shabyt» halyqaralyq shyǵarmashyl jastar festıvaliniń dıplomanty, sýretshi Anar Áýbákirdiń «Tylsym» atty kórmesi usynyldy.
Nomad City Hall-da 14 qarasha kúni saǵat 18:00-de «Ábý Nasyr ál-Farabı» atty ádebı-mýzykalyq kesh ótedi.
Qalalyq qýyrshaq teatrynda 14 qarasha kúni saǵat 12:00 jáne 14:00-de jas kórermenderge «Er Tóstik» ertegisin kórsetedi.
Atameken etno-memorıaldyq kesheni 14 qarasha kúni saǵat 12:00-de «Syǵanaq qalasyndaǵy Ortaǵasyrlyq meshit» onlaın-ekskýrsııasyn ótkizedi. Іs-shara @atamekenmap ınstagram jáne @atamekenmap.kz feısbýk paraqshalarynda kórsetiledi.
M. Gorkıı atyndaǵy drama teatry 14 qarashada saǵat 11:00-de onlaın rejımde «Domık dlıa tsarıa zvereı» ertegisin usynady. Translıatsııa ınstagramda júrgiziledi.
M. Gorkıı atyndaǵy drama teatrynyń kishi zalynda 14 qarasha kúni saǵat 18:00-de A.Ostrovskııdiń «Groza» pesasy negizinde spektakl qoıylady.
